Молитва при болезнях головы "Пророку Иоанну Крестителю"

"Крестителю Христов, проповедниче покаяния, вкающагося не презри мене, но, совокупляясь с вой Небесными, молися ко Владыце за мене, недостоинаго, унылаго, немощнаго и печальнаго, во многия беды впадшаго, утружденнаго бурными помыслы ума моего.
Аз бо есмь вертеп злых дел, отнюдь не имеяй конца греховному обычаю, пригвожден бо есть ум мой земным вещем. Что сотворю, не вем, и тебе, святый Иоанне, благодати тезоимените, яко тя пред Господем, по Богородице вем больша быти рожденных всех; ты бо сподобился еси коснутися верху Царя Христа, вземлющаго грехи мира, Агнца Божия, Его же моли за грешную мою душу, да поне от ныне, в первыйнадесять час, понесу тяготу благую и прииму мзду с последними.
Ей, Крестителю Христов, честный Предтече, крайний пророче, первый во благодати мучениче, чистоты учителю и ближний друже Христов, тя молю, к тебе прибегаю, не отрини мене от твоего заступления, но возстави мя, подшагося многими грех, обнови душу мою покаянием, яко вторым крещением омываяй грех, покаяние же проповедуяй во очищение коегождо от дел скверных; очисти убо мя, грехми оскверненнаго, и понуди внити, аможе ничтоже скверно входит в Царствие Небесное. Аминь."